Sagootintii shaqaalaha ICAO

Wasaaradda Duulista Somaliland Oo Sagootisay Toban Shaqaale ah Wax ku soo Baran Doona Kiiniya

OCTOBER 12, 2014

“Tobankan dhalinyarada ah waa dufcadii ugu horaysay ee waxbarasho dibadeed oo xaga duulimaadyada ah loo diro.” Agaasime Cumar Sayid.

Hargeysa (Somaliland.Org) Wasaaradda Duulista iyo Hawada Somaliland ayaa maanta sagootisay toban shaqaale ah oo koorso aqoonta duulimaadyada ah ku soo qaadan doona magaaladda Nairobi ee xarunta Dalka Kenya.

shaqaalahani oo hore ugu guulaystay imtaxaan ay hay’ada duulimaayada u qaabilsan Qaramada midoobay ee ICAO ay ka qaaday ayaa Wasaaraddu ay u qabatay munaasibada kooban oo lagu sagootinayey taas oo ka dhacday xarunta wasaarada duulista ee Hargeysa.

Agaasimaha Guud ee Wasaradda duulista hawada iyo gaadiidka cirka Somaliland Cumar Cabdi Aadan (Cumar-Sayid), oo halkaasi ka hadlay ayaa waxa uu yidhi “ Runtii munaasibadani waxa ay daarantahay sagootin aanu ku sii sagootinayno tobankii arday ee ku guulaystay imtaxaankii hay’adda ICAO ka qaaday, imtixaankaas oo ahaa lix iyo toban boos oo Soomaaliya iyo Somaliland la wada siiyey, waxaa xusid mudan in Somaliland ay toban boos ku guulaysatay, oo ardaydani ay imtaxaan kaga soo dhex baxeen kun iyo laba boqol oo qof, oo marka aynu dib u raacno ardaydan taariikhdooda waa ardaydii ka soo baxday dugsiyada SOS iyo Ilays oo taclintana kaalin fiican kaga jiray, oo taariikh wanaagsan ku lahaa, runtii hawshooda shaqaalaysiintu wakhti ayey nagu qaadatay, baasaaboorada iyo fiisayaasha intaanu helaynay, waxaanu halkan warbaahinta uga cadaynaynaa in maalinta Salaasada ay Nairobi u bixi doonaan iyaga oo shaqaale rasmi ah , waxbarasho ay halkaas ku soo qadaan doonaan kadibna ay soo noqon doonaan, oo ay ka hawl galidoonaan madarada dalka.”

Agaasime Cumar Sayid ayaa sidoo kalena intaasi kud aray “ Hawlwadeenadan cusub ee Nairobi loo dirayaa waxa ay isugu jiraan kuwa la soo barayo Hagida diyaaradaha, xafiiska cimilada iyo qaar loo tababaraayo xidhiidhka, ka wasaarad ahaan aad ayaanu ugu farax sanahay waana horumar weyn oo la taaban karo, afrtii sano ee hore Xukuumadda Madaxweyne Siilaanyo ay jirtay, waxay ku mashquulsanayd horumarinta iyo casariyeynta dhismayaasha xarumaha dawladda iyo Kaabayaasha dhaqaalaha, iyo sidii bilicda wasaaradaha sare loogu qaadi lahaa, Madaxweynuhuna waxa uu sanadkan Wasaaraddaha oo dhan amray in xirfada iyo aqoonta shaqaalaha sare loo qaado, waxaanay wasaaradayadu iyadoo taas ka duulaysa go’aansatay in tababaro dheeraad ah shaqaalaha loo diro, aqoontoodana la dhiso. duniduna wax ay isku dhaaftaa waa tayada iyo aqoonta ay shaqaalahu ay leeyihiin, tobankan dhalinyarada ah waa dufcadii ugu horaysay ee waxbarasho dibadeed oo xaga duulimaadyada ah loo diro, waxa ku xigi doona dufcad labaad oo afaratan qof ku dhaw oo loo diridoono dalka itoobiya, wasiirkuna uu todobaadkan soo socda ka war bixin doono, tababaradan waxaanu uga danleenahay in aanu shaqaalaha tayeyno dhismayashan quruxda badan kuwii ku shaqayan lahaa waa iyaga.”

Agaaasimaha Wasaaradda Duulista ayaa sidoo kale hadal dardaaran ah u jeediyey ardaydaasi safarka waxbarasho u baxaysa waxaanu yidhi “ Dhalinyaradani marka ay Nairobi tagaan waxaanu ka rajaynaynaa in ay si fiican wax u bartaan,oo ay xasuusnaadaan in ay wadankooda Somaliland matalayaan, waxaa lala socon doonaa akhlaaqdooda, waxbarashadooda, xil gudashadooda iyo dhaqankooda, safiiro ayaad noqon doontaan, boqolaal ardayna waxbaad la baran doontaan, waxaanu rajaynaynaa in aad sumcada dalkiina ilaalin doontaan, waxa laydin barayana aad wakhti siin doontaan anguna waanu idiin hanweyanahay waanuna idinku kalsoonahay, safar wanaagsan ayaanu idiin rajaynaynaa .” ayuu yidhi Agaasime Cumar Sayid.

Tobankani shaqaalaha ee ee loo soo tababaryo Wasaaradda duulista Somaliland ayey hawshooda gacanta ku haysaa hay’ada duulimaayada u qaabilsan Qaramada midoobay ee ICAO

The bulldozer Generation

Family Background:

Omar is the third youngest child of Abdilahi Aden Garow  family, Middle class family live in Hargeisa (Capital city of Somali-land Republic) and born the middle of 1981.

The same year,  a rebellion movement was established which is called SNM .
10 years of struggle  between this movement and the Military government of Siyad Bare in the northern regions of Somalia ( ISAK inhabitants) affected my childhood.





Impacts of Civil war on my early childhood:




My Education Back Ground:
        The Bulldozer Generation:



My Experience of hard life:


My Higher Education opportunity:


My Success and becoming prominent figure:

Xafladii furitaanka Dhismaha Cusub ee Wasaaradda Duulista Hawada iyo Gaadiidka Cirka

1. 
   

Dhismaha Cusub ee Wasaaradda Duulislta hawada  iyo ucirka JSL ayaa madaxweyne Siilaanyo Xadhiga ka Jaray taariikhdu markay ahayd  13 July 2014.

Waxay ahayd himilo wayn oo ay gaadhay Wasaaradan duulistu oo ilaahay igu manaystay inaan qayb wayn ka noqdo riyadaas rumayn teeda.

Heesta hoosena waa hees lagu amaanyo madaxweynaha qaranka oo ay qaadayso fanaanada Hodan Cabdiraxman oo lagu codeeyay  Xadhig ka jarkii dhismaha Wasaaradda.

Agaasimaha Guud ee Wasaarada Duulista Hawada oo ka Hadlay xayndaabka garoonka

Agaasimaha Guud ee wasaaradda duulista ayaa  beeniyey warar sheegayey inay jiraan dad degan Koonfurta Madaarka Hargeysa oo Wasaarada duulistu ay ku tacadiday

Hargeysa ( ..) Agaasimaha Guud ee wasaaradda duulista hawadda iyo gaadiidka cirka Somaliland Cumar Cabdilaahi Aadan ayaa beeniyey warar sheegayey inay jiraan dad degan Koonfurta Madaarka Hargeysa oo Wasaarada duulistu ay ku tacadiday.

Agaasimaha Guud oo maanta shir jaraa’id ku qabtay Magaalada Hargeysa ayaa sidoo kalena sharaxaad ka bixiyey qorshaha ay Xukuumadda Somaliland u samaysay dad muwaadiiin ah oo dhul ay deganaayeen uu gaadhay dhismaha xayndaabka Madaarka Cigaal oo hada la wado.

Agaasime Cumar Cabdilaahi oo arimahaasi ka hadlaya ayaa waxa uu yidhi “ waxaanu maanta halkan ku beeeninaynaa warbixino ay qoreen qaar ka mida saxaafadda madaxa banaan kuwaas oo ay ku soo bandhigeen cabasho ay muujiyeen dad ay sheegeen inay degen yihiin koonfurta madaarka Hargeysa, waxanu halkan Warbaahinta uga cadaynaynaa in dadka halkan degen iyo wasaaradda duulistu ay in mudo ah uu wadahadal u dhaxeeyey kulamo joogto ahna ay soo yeesheen iyadoo arintaas ay nagula jiraan gudidda deegaanka Koonfurta Hargeysa, waxana kulamadaasi ujeedadoodu ahayd sidii madaarka xadkiisa loo sugi lahaa, dadka muwaadiniinta ahina ay xaqooda u heli laayeen, hadii ay tahay dhul badal iyo hadii ay tahay in guryaha iyo beerayaha soo galay in la qiimeeyo oo hantidoodii loo celiyo.”

Agaasime Cumar Sayid ayaa sidoo kalena intaasi ku daray “ dadkaas hantidaas leh iyo wasaaradda duulistu si fiican ayey isu fahan san yihiin , wada shaqayn wanaagsan ayaa ka dhaxeeya, waxa ilaa shalay isa soo urursaday dad waji ku macaash ah oo aan meeshaas deganyey oo ilaa 10KM iyo in ka badan u jira dhulkani laga hadlo, dadkaasi waxay doonayaan dhul dheeraad ah iyo wax aanahay lahayn, waxana aanu dadkaas u sheegaynayaa in aanu meeshan dhul oolin , dadkaasi way isa soo abaabuleen ujeedo kale ayaana laga lahaa, waxana aanu u sheegaynaa in Dawladdu ay talaabo sharci ah ka qaadi doonto, cidii aan madaarka agtiisa dhul ku lahayn, magaciisuna aanu wasaaradda u qornayeyn ee hawlahaas soo gasha dawladu talaabo sharci ah ayey ka qaadi doontaa.”
Agaasimaha Guud ee Wasaaradda Duulista ayaa sidoo kalena waxa uu sheegay in wasaaradda ahaan ay ka go’an tahay in la dhawro xuquuqdada dadka deegaakaasi waxaanu yidhi “ dadka meeshan degan ee ay tahay inay dawladu la macaashina waxaanu halkan ugu balan qaadaynayaa in aanu hantidoodii iyo dhulkoodiiba loo celin-doono iyagoo dadkayagii ah, cid la dulmayaana aanay jirin, dadka ku shaqaynta is lehna, faraha kala baxa ayaanu leenahay, arinta dhismaha Xayndaabka madaarkuna waa arin dan guud ah waana la wadayaa.” Ayuu yidhi Md. Cumar Sayid.

Agaasimaha Guud Ee Wasaarada Duulista Oo Ka Jawaabay eedaymo been abuur ah

Waxaanu halkan ka cadaynaynaa in aan cashuurtaas hal doolar lagu kordhin. Wararka ay Xisbiyada mucaaridka ahi dadka u gudbiyeena waa kuwo aan sal iyo raad toona lahayn.”

“ Aad iyo aad ayaanu uga xunahay in xildhibaano ka gaabiyay masuuliyadii loo soo doortay ay umadda u sheegaan waxaanay xog ogaal u ahayn oo aanay baadhis ku samayn.” Agaasime Cumar Sayid.

Hargeysa (..) Agaasimaha Guud ee Wasaaradda Duulista Hawadda Iyo Gaadiidka Cirka Cumar Cabdilaahi Aadan ayaa beeniyay eedayan ay u jeediyeen xisbiyada mucaaridka ahi iyaga oo sheegay in wasaaradda Duulistu ay lacago sharci darro ah ku kordhisay dadka adeegsada Madaaradda dalka.

Agaasime Cumar Sayid ayaa meesha ka saaray eedaha xisbiyada Mucaaridka iyo qaar ka tirsan Mudanayaasha Golaha Wakiilada isaga oo sheegay haba yaraatee in aanay jirin lacag cashuur ah oo ay kordhiyeen.
Agaasimaha Wasaaradda Duulista iyo hawadda ayaa waxa uu arimahaasi kaga hadlay shir jaraa’id oo uu maanta ku qabtay Xafiiskiisa magaalada Hargeysa waxa hadaladiisii ka mid ahaa 

“ Maadaama dunida wadamo badan oo ka mid dadka la cashuuro marka ay soo dagayaan oo kali ah inaga Somaliland ahaana marka ay soo dagayaan iyo marka ay dhoofayaanba waa la cashuuraa, anaga oo ka faa’iidaysanayna waayo aragnimada aanu ka dhaxalnay arintaas, meeshana ka saarayna in muwaadiniintaas dhoofaysa, qaar ay u qaataan in aan cashuuri ku hadhin waxaanu dadka u dirnay fariin qoraal ah oo aanu ku ogaysiinayno cashuurta laga rabo. Dadka soo degayey oo sanadkan aad u badnaa waxaanu dareenay in dadku marka ay noqonayaan iyaga oo bilaa lacag ah madaarka yimaadaan oo aan ku soo tallo galin cashuurta, 

Wasaaradda duulistu iyada oo arintaas ka duulaysa waxa ay isku dayday in ay wacyigalin samayso waxaanay ku amartay shirkadaha diyaaradahu marka ay dadka buukinka u samaynayaan in ay ku war galiyaan lacagta cashuurta ah, sidoo kalena waxaanu la xidhiidhnay shirikada telesom si ay moobilada fariimo loogu diro dadwaynaha, lana ogaysiiyo cashuurta looga baahan yahay inay bixiyaan marka ay dhoofayaan. Cashuurtaas oo dhan $33 dollar oo wasaaradda Maaliyadu ay qaado sidii caadiga ahayd iyo $10kii doolar ee Amaanka madaaradda ee golaha wakiiladu ansixiyey .
Wadarta lacagtaas qofka dhoofaya looga baahan yahay waa $43 doolar oo horeba loo qaadi jiray, imikana la qaado ayaanu dadka fariimo ugu dirnay si ay ugu soo talo galaan.”

Agaasimaha guud Wasaaradda Duulista ayaa sidoo kalena waxa uu intaasi ku daray

 “ Aad iyo aad ayaanu uga xunahay xildhibaano waaweyan oo dadka iyo dalkuba soo doortay in ay ka gaabiyaan mas’uuliyadii dadka ka saarnayd oo ay wax aanay xogogaal u ahayan saxaafada u soo bandhigaan, taas oo ku tusaysa sida aanay ugu kuur galin arintan inta aanay saxaafada soo hor fadhiisan waxaanu halkan ka cadaynaynaa in aan cashuurtaas hal doolar lagu kordhin. Waxaanse idiin sheegayaa xisbiyada mucaaridka ah iyo xildhibaanada mucaaridka ahiba wararka ay dadka u gudbiyeen in ay yihiin warar aan jirin, oo aan sal iyo raad toona lahayan oo ay kasoo min guuriyeen wararkii suuqa, taasina waxay tusaysaa bisayl la’aanta xisbiyada mucaaridka ahi aanay u bislayan waxa ay umadda u gudbinayaan. Waxaanu marlabaad bulshada reer Somaliland ku adkaynaynaa in cashuurtaas ogaysiiskeeda taleefanadooda lagu soo diray in ay tahay cashuurtii sharciga ahayd ee awalba madaaradda laga qaadi jiray, balse la ogaysiinyo in ay dadku cashuurta ku soo tallo galaan.

Geesta kalena Agaasimaha Guud ee Wasaaradda Duulista iyo hawada Somaliland ayaa waxa uu ka hadlay dhismaha xayndaabka Madaarka oo gooyey qaar ka mida wadooyinkii deegaankaas mari jiray waxaanu yidhi “ Xayndaabkii madaarka ee aanu wadnay oo hada maraya ilaa 4.5KM oo siligii lagu xidhay ayaa sababay inay go’do wadadii hore ee Burco tagi jirtay ee madaarka dhinaca bari ka mari jirtay wadadaas oo ay isticimaali jireen dadweynaha ku socda deegaanada Xadhig-xadhig, Bandar-wanaag iyo Maygaagta, waxaanu dadkaas u sheegaynayaa in Wasaaradda duulista iyo dawlada hoose ay diyaariyeen wado la wareegaysa xayndaabka madaaarka, dadku waxay wareegi doonaan masaafo aan badnayn, wadadaas hada Dawallada hoose ayaa gacanta ku haysa waana la mari karaa, waxaanu dadweynaha ka raali galinayaa inay intaas yar noo samraan iyadoo lagu sugayo amaanka Madaarka.” Ayuu yidhi Cumar Cabdilaahi.

LikeLike ·  · Share